Núsastundin okkar!

Nýtt og sameiginlegt blogg með Írisi :)

Wed, 28 Oct 2009 23:52:18 GMT

Jájá, ég er hættur með þetta blogg þrátt fyrir gífurlega aðsókn og mikil skoðanaskipti hef ég ákveðið að færa mig um set og vera með sameiginlegt blogg með Írisi... hennar var líka miklu flottara þannig að ég varð að gera eitthvað ;)

Nýja bloggið okkar er hér: http://www.irisogmaggi.blogspot.com/

Endileg chekkið á þessu :)

Ekkert nafn.

Mon, 19 Oct 2009 19:45:51 GMT

Í lok september fórum við Íris til Spánar til að halda uppá afmælið hjá pabba mínum, gamli kallinn er orðinn 60 ára gamall. Pabbi bauð semsagt öllum börnunum sínum og fylgihlutum þeirra til Spánar.

Áður en við lögðum af stað í flugið þá ákvað ég að vera búinn með nokkra bjóra þar sem ég er ansi flughræddur og líður aðeins betur með bjór í mér. Þegar ég mætti svo uppá flugvöll sá ég að bjórinn kostaði fáránlega mikið og ég hreinlega týmdi ekki að kaupa bjór og það gerist nú ekki oft. Ég ákvað að vera bara duglegur strákur og henda mér alveg edrú í vélina, ég og Íris sáum eftir því... sérstaklega Íris held ég. Hún sat nefnilega á milli mín og einhverrar konu sem skalf og grét næstum alla leiðina. En við lentum semsagt í einhverju svaka loftgati (held það heiti það) og hrundum niður nokkra metra þannig að allir í vélinni tóku andköf og hlógu eða öskruðu (sumir grétu held ég). En við náðum nú að lenda og fólkið klappaði þegar vélin lenti og ég hef sjaldan verið jafn ánægður með að vera kominn á einhvern áfangastað :P

Á Spáni var svo rigning og gott veður til skiptis, gott veður í tvo daga, rigning í 3 og hálfan og svo aftur gott veður... Þegar sólinskein þá fórum við á ströndina en rigningar dagana þá var farið að versla. Ég og Íris fórum með en vorum ekkert svakalega dugleg að versla, mamma og pabbi gáfu mér reyndar skó sem ég held ég hafi notað á hverjum degi síðan ég fékk þá :) takk fyrir mig :D

En núna er skólinn byrjaður á fullu, ég er í 4 fögum og þetta er allt kennt á ensku. Kennararnir eru auðvitað misjafnir en ég er í sérstökum vandræðum í einum tíma sem heitir IR and the Middle East. Kennarinn er nefnilega frá miðausturlöndum og hefur átt heima á Ítalíu í mörg ár... það er svosem ekkert að því en hann er með svo fáránlega mikinn hreim að það er bara engin leið til að skilja hann. Það er sama hvað ég reyni að fylgjast með þá bara skil ég ekki helminginn af því sem hann segir en þetta er skemmtilegt efni og ég næ skilja smá ef ég les fyrir tímann... þá giska ég bara á það sem uppá vantar ;)

Þetta er samt soldið skrýtið nám, það eru rosalega fáir í tímunum mínum. Ég er t.d. í einum tíma þar sem það eru 3 nemendur og kennarinn er einn frægasti viðskiptafræðikennari Ítalíu. En það er pottþétt skemmtilegasti tíminn þrátt fyrir að við séum svona fá, það hjálpar jafnvel bara til...

Ég ákvað að taka nokkrar myndir til að sýna ykkur umhverfið hjá mér, ég er ekki búinn að vera duglegur en ég setti inn nýtt mynda albúm og reyni að bæta við fleiri myndum fljótlega :)

Tognun, djamm og skólinn :)

Thu, 08 Oct 2009 16:57:23 GMT

Í gær skelltum við okkur á appertivo og enduðum á smá djammi í bænum. Djammið í Mílanó byrjar nefnilega á miðvikudögum og er fram á sunnudag, og ég er líka alveg að tala um almennilegt djamm. Við fórum á stað þar sem það eru 3 eða fjögur dansgólf og eitt þeirra er undir berum himni... hin dansgólfin voru mjög sveitt.

En í dag skellti ég mér til læknis því ég er búinn að vera mjög skrýtinn í bringunni undanfarið, í hvert skipti sem ég tók djúpt andann þá fékk ég verk svona í kringum hjartað en var nú samt nokkuð viss um að þetta væri ekkert hjartadæmi. Á þriðjudaginn var ég verstur og gat þá ekkert sofið og var bara mjög aumingjalegur. Læknirinn sagði mér reyndar það sem ég hélt, ég þarf ekki að hafa áhyggjur af hjartanu en það er eitthvað vesen með vinstri brjóstvöðvann hjá mér (held eitthvað sé tognað en skildi ekki alveg lækninn). En ég er allavega komin á einhver vöðvaslakandi lyf og þetta á ekkert að vera neitt mál. Vonandi bara að ég nái að sofa aðeins meira í nótt :)

Annars er allt bara helvíti gott að frétta, það er búið að vera nóg að gera í skólanum en hann gengur vel og ég sé fram á að læra jafnvel heima og allskonar vitleysu. En á morgun er frí (aldrei skóli hjá mér á föstudögum) þannig að núna er maður bara í rólegheitum heima og Íris er sofandi hérna við hliðina á mér :)

En annars segi ég bara heyrumst og sjáumst :)

Blogg búið ;)

Örstutt

Wed, 07 Oct 2009 11:44:38 GMT

Nenni ekki að skrifa langt blogg og ætla þess vegna að benda ykkur á síðuna hjá Írisi (miklu flottari síða þannig að þið tapið ekki á þessu), irisblondal.blogspot.com

En já, verð samt að segja frá einu áður en ég hleyp í strætó til að komast í tíma.

Í gær var ég að spjalla við strák sem er með mér í 3 af 4 tímum í skólanum og við náðum svosem ágætlega saman. Svo vorum við búnir að hanga soldið saman á milli tíma og hann spurði mig hvað ég væri gamall... ég svaraði auðvitað samviskusamlega... 26 ára... og það næsta sem hann sagði var... "Wow, þú ert örugglega elsti nemandinn í Cattolica" og þar með hafið þið það... ég er gamli kallinn í skólanum! :P úff....

Spánn á morgun

Tue, 22 Sep 2009 10:23:08 GMT

Ekki mikið að gerast hjá okkur núna.

Erum ekki komin með gas né heitt vatn... en það kemur daginn sem við komum til baka frá Spáni sem verður 30. september. Ég verð að viðurkenna að ég hlakka eiginlega mest til að komast í heita sturtu á spáni... og raka mig. Er ekki búinn að raka mig í viku... sem er helvíti mikið fyrir mann eins og mig :P

Annars erum við bara svona að klára það síðasta og erum ekki ennþá búin að djamm neitt og ég á ekki eitt stykki af bjór í ískápnum og það er ekki afþví ég er búinn að vera svo duglegur að drekka hann strax. Ég fann samt bjór um daginn sem kostar bara 79 cent og er 66cl þannig að það getur varla orðið mikið ódýrara en það :)

Hugsa að ég fari fljótlega og fylli ískápinn af þessum ágætis ítalska bjór "Peroni"

En það er nokkuð ljóst að það er lítið að gera þegar ég tuða um ítalskan bjór. En næst verð ég vonandi með ferðasögu frá Spáni :)

Þangað til næst...

Bæbb :)

Fyrsta bloggið beint á netið :P

Fri, 18 Sep 2009 12:46:10 GMT

Í dag er búið að vera 28 stiga hiti og sól og við erum búin að vera massa dugleg. Fórum og redduðum okkur ítölskum bankareikningi sem er ekki eins auðvelt og það hljómar... allavega ekki vanalega. En við hittum á gaur sem kunni ensku og þá reddaðist þetta nokkuð vel.

Svo er maður bara búinn að vera í afslöppun í dag, allt tilbúið sem við getum gert núna og bíðum í raun bara eftir kvöldinu því þá ætlum við að skella okkur í appertivo (förum á kaffihús og kaupum okkur einn drykk og fáum smáréttarhlaðborð í kaupbæti... eða semsagt fáum að borða á hlaðborðinu í kaupbæti).

Annars er bara allt gott að frétta... setti 3 blogg í einu hérna inn þannig að þið bara sjáið til hvort þið nennið að lesa þetta allt. Ég nenni allavega ekki að lesa þetta aftur yfir þannig að ég biðst afsökunar á stafsetningarvillum og skil vel ef þið gefist upp ;)

En svo er bara núna beðið eftir miðvikudeginum því þá hendir maður sér í flugvél og lendir á Spáni þar sem við treystum á svipað eða betra veður og er hérna í Mílanó.

Annars bið ég bara að heilsa heim og ég vona að einhver nenni að fylgjast með þessu þrátt fyrir að það sé lítið að gerast... stefni á að reyna að setja inn myndir fljótlega og allt... reyndar bara myndir af mér og Írisi hingað til en ég reyni að gera þetta skemmtilegt :P

Kveðja,

Maggi Mílanó :)

Jæja, þá er maður mættur í Mílanó

Fri, 18 Sep 2009 12:41:50 GMT

Í dag fengum við okkurnýkreistan appelsínusafa og Sportþrennu í morgunmat... kreistum safan sjálf ogtókum reyndar lýsið líka úr pakkningunni sjálf... en það var ekki einsskemmtilegt :P

Núna er allt að verðaklárt hjá okkur en við ætlum í IKEA í dag og klára síðustu innkaupin fyrirheimilið. Það vantar nú ekki mikið en það verður samt gaman að fara í IKEA ogláta sig dreyma (hljóma eins og kelling... ég veit). En við erum annars helvítivel sett hérna úti, ég er kominn með ítalskt númer og við ætlum að fá okkurbankareikning á föstudaginn... ef það tekst þá getum við farið að fá okkurinternet heim (20 mb/sek og ótakmarkað niðurhal... þetta er minnsti pakkinnþeirra... snilld).

Það er semsagt allt aðverða nokkuð klárt og næsta stóra verkefni verður að fara til Spánar ámiðvikudaginn og hitta þar mömmu og pabba.... og svo koma systur mínar og tveirmisgamlir kallar... sá yngri (20 mánaða) er töluvert meiri kall en sá eldri(veit ekkert hvað hann er gamall en ég held hann sé 35).

Vonandi fer netið aðdetta inn þannig að ég geti sett þetta blogg í loftið því þetta er bara í Wordskjali enn sem komið er.

Kveðja,

Magnús Magnússon sjöundi.

Jæja, þá er maður mættur í Mílanó

Fri, 18 Sep 2009 12:40:10 GMT

Ég hef ákveðið að reynaað lífga uppá þetta blogg og mun gera mitt besta við að upplýsa fólk um stöðunaá mér og Írisi hérna í borg óttans... eða nei, þetta er klárlega ekki borgóttans... köllum þetta frekar borg hitans og rigningarinnar (allavega enn semkomið er).

Við mættum semsagt hérnaá mánudagskvöldið og fengum að komast í íbúðina okkar strax um kvöldið. Okkurtil mikillar ánægju voru kveikt ljósin í íbúðinni sem þýddi að það var búið aðredda rafmagninu fyrir okkur en okkur var sagt að við yrðum að bíða í 10 dagaeftir rafmagni. Á mánudaginn í næstuviku fáum við hita þannig að við getum skellt okkur í heita sturtu J en þangað til þá er bara ísköld og hressandi sturta í morgunsárið J

Í gær var svo farið afstað og keypt hreinsiefni og allt þrifið hátt og lágt... og þá meina ég skohátt og lágt, ég var á einhverjum stiga að reyna að þrífa 17 ára gamlan skít ámeðan Íris þaut um gólfin með sópinn eins og óð kona.

En já, það er semsagtallt að reddast hérna nokkuð vel, ég er búinn að fá stundartöfluna mína og verðekkert í skólanum á föstudögum og er bara einu sinni í viku fyrir hádegi ískólanum (Helgi... eat your heart out).

Núna er Íris á fullu aðskipuleggja skápana á meðan ég fæ leyfi til að hanga í tölvunni... þannig þarfhún ekki að hafa áhyggjur af því að ég skemmi skipulagið. Við vorum semsagt aðsækja fullt af skemmtilegum glösum og boxum sem hún er að raða... við fengummeira að segja stór vatnsglös (mikil gleði hjá mér... er búinn að vera aðdrekka úr minnstu glösum í heimi).

En allavega, ég er hætturþessu rugli í bili og ætla að þykjast hjálpa Írisi.... vonandi nennir einhverað lesa þetta rugl í mér og ég reyni að koma með skemmtilegri fréttir næst...t.d. eitthvað djamm eða rugl á mér J

Kveðja,

Maggi Mílanó

Ps. Ykkur er öllum boðiðí heimsókn til okkar, hvenær sem er... það er alltaf gott veður hérna... nema íþessu fáu skipti sem það er ekki gott. Næstum frí gisting, eina sem við tökumfyrir gistingu er matarboð á Da Willys og ein hvítvínsflaska ;)

Soldið að herma

Sun, 25 Nov 2007 22:38:30 GMT

Eygló stórvinkona mín (tja... svosem ekkert rosalega stór... en samt örugglega yfir meðalhæð kvenmanna) er með leik á síðunni sinni þar sem hún bað alla um að skrifa síðasta sms sem það fékk. Mér fannst þetta skemmtilegur leikur en fannst meira spennandi að sjá elsta sms-ið sem fólk er með í símanum.

Þess vegna ætla ég að reyna að setja í gang þannig leik þótt ég held reyndar að það séu mjög fáir sem skoði þetta blogg... en ég meina... maður verður allavega að reyna að hafa gaman af þessu :P

Ég verð með vegleg verðlaun fyrir þann sem er með skemmtilegasta sms-ið (að mínu mati)

Þannig að... kommentið á þessa færslu og skrifið elsta sms-ið sem þið geymið í símanum ykkar :P

Próf á facebook

Wed, 21 Nov 2007 12:51:17 GMT

Tók skemmtilegt próf á facebook í nótt... Það komu fullt af myndum og maður átti að velja þá mynd sem maður tengdi við ákveðna tilfinningu eins og frelsi, ást og annað slíkt. Hér að neðan eru upplýsingar um mig sem fengust eftir myndavalið :)

Temperament

Flexible

Nothing seems to bother you - you sail through life crisis free. It's not that your life doesn't have its ups and downs, it's just that you handle everything without unnecessary drama and antics. You approach each day fresh, not worrying about yesterday or tomorrow. You are confident that you can handle anything that comes your way and experience has shown that you are absolutely right about this.

Interests

Simple

You are continually pursuing a simpler and less complicated life - you don't allow yourself to fall victim to all of the "should do's" that society continually bombards you with. You are thoughtful about your life choices and think in terms of yourself, others and the world in which we live. You have a great sense that we are part of something much bigger and we must be good to others, if we want others and the world to be good to us.

Amusement

Thoughtful

You are easily stressed out and overwhelmed - you need to take care of yourself first and foremost. Because you tend to be self reflective, you know your limits quite well and must remember to not exceed those limits. When you overwhelm your life with obligations and responsibilities, you tend to shut down and go into yourself even further. Take some time to find your serenity and kick back your feet.

Passion

Physical

You are a cuddle bug - from a warm hug shared with your best friend to steamy sex with your partner, you enjoy every bit of human contact that you can get. You demonstrate your love for others most fluidly through physical one-on-one contact and you feel the most loved when you are being touched. You feel disconnected when you are physically isolated from others. You're a people person and a lover of all things human.

Eins gott að þetta drasl virki!!!

Tue, 20 Nov 2007 15:03:17 GMT

Ég er ótrúlega nálægt því að hætta þessu bloggveseni þar sem ég er búinn að lenda í því núna svona 7 sinnum að vera búinn að skrifa bloggfærslu og setja inn myndir og allt lítur voða vel út... en svo bara save-ast ekkert. Veit ekki alveg hvaða rugl þetta er en ef þetta fer ekki að lagast þá stofna ég moggablogg eða eitthvað.

En núna er þessu skipt upp þannig að það sem kemur hérna beint að neðan var semsagt skrifað í gær og þar er útskýrt nánar hvaða rugl þetta er. Ég nenni samt ekki að setja inn myndirnar aftur þannig að þið verðið bara að ímynda ykkur geðveikt skemmtilegar og viðeigandi myndir með þessu :P

Það er svosem ekkert að frétta... bara fótbolti í kvöld og þá er stefnan að drullast til að vinna loksins leik!!!________________________________________________________

Bloggið búið að vera með eitthvað vesen síðustu daga þannig að ég var með eina bloggfærslu tilbúna sem er búin að bíða síðan á laugardaginn. Reyndar ekki mikið búið að gerast síðan þá þannig að ég get kannski bara hent henni inn og sleppt því að blogga núna.

En já, afmælisveisla Guðrúnar búin og það er alveg óhætt að kalla þetta veislu. Geðveikt góðar veitingar, gott fólk og alveg glymrandi tónlist (ég sá um tónlistina að miklu leiti :P).Hér fyrir neðan er bloggið sem ég var búinn að skrifa en tókst ekki að setja inná netið.

Ps. Er ótrúlega sáttur við litla frænda sem er ekki einu sinni orðinn mánaðar gamall en er strax farinn að kommenta á bloggið mitt... þú stendur þig vel frændi :)_____________________________________________

Dagurinn byrjaði á því að ég skellti mér í skólann með verkefni sem ég gerði um nóttina. Hafði alveg nægan tíma til að vinna í verkefninu en þar sem ég misskildi smá þá hélt ég að ég mætti skila verkefninu viku seinna... en það reddaðist allavega.Svo skellti ég mér í ræktina og lét einkaþjálfarann pína mig áfram... sem var reyndar mjög gaman. Eftir ræktina var öll orka búin og ég ætlaði bara svona aðeins að leggja mig, úr varð að ég svaf í svona 2-3 tíma og slefaði fyrir allan peninginn.

Um kvöldið skellti ég mér svo á Austurindíafélagið þar sem Kvennóhópurinn var saman kominn. Þetta var ótrúlega þægilegt kvöld. Þetta var fyrsta skiptið sem ég borða þarna og maturinn var algjör snilld enda gáfu þér sér alveg góðar 50 mínútur til að elda þetta fyrir okkur :P. Fólkið var risa hresst og mér heyrðist á fólki að það ætti að reyna að gera þetta að reglulegum atburði.

Mér fannst reyndar soldið fyndið að þegar ég mætti í veitingastaðinn sá ég Guðfinnu fyrrverandi rektor HR við stórt langborð og ætlaði að heilsa uppá hana og sá svo að það voru eiginlega allar á borðinu starfsmenn HR. Komst svo að því að Guðfinna var að halda uppá 50 ára afmælið sitt þannig að maður skellti sér til hennar og gaf henni eitt stykki afmæliskoss.

Við fórum svo af veitingastaðnum og þá tvístraðist hópurinn, hluti hópsins fór heim og aðrir (ætla að halda því fram að það hafi verið skemmtilega fólkið) fóru á Vegamót. Kvöldið endaði svo á því að hópurinn tvístraðist ennþá meira og ég og Helgi vorum einir eftir í bænum og skelltum okkur á tónleika á Nasa þar sem Jeff Who, Sprengjuhöllin og Motion Boys voru að spila.

Svo verður bara chill í allan dag þangað til ég fer í afmæli til Guðrúnar dansdrottningar :)

Meira blogg

Thu, 15 Nov 2007 20:57:54 GMT

Ég ákvað um daginn að blogga meira... mér fannst þetta vera góð hugmynd en svo fattaði ég að það er ekkert að gerast hjá mér sem ég get bloggað um. Ég er því miður ekki það góður penni að ég geti bullað um hvað sem er, mig sárvantar eitthvað skemmtilegt að segja frá. Þannig að núna treysti ég á þig góður lesandi... langar þig ekki til að bjóða mér að gera eitthvað skemmtilegt... þú mátt jafnvel vera með :)

En já, ég fór í fótbolta í gær með Mannsaliðinu. Liðið mitt tapaði (eins og svo oft áður) en ég var allavega ekki lélegastur í liðinu þannig að ég var ekkert svakalega ósáttur. Held ég sé meira að segja að komast í aðeins betra form... þótt formið sé nú ansi nálægt hringlóttu ennþá.

Í dag svaf ég aðeins frameftir... mig dreymdi svo skemmtilegan draum að ég týmdi ekki að vakna. Ég vaknaði reyndar aðeins en ég náði að sofna aftur og breyta draumnum aðeins þannig að hann varð ennþá betri. Ég var samt allt í einu að fatta að það halda örugglega allir að ég sé að tala um einhvern dirty draum... en þótt ótrúlegt sé þá var þetta nú bara ótrúlega saklaus en skemmtilegur draumur (ekki það skemmtilegur fyrir aðra þannig að ég ætla ekkert ða útskýra hann nánar). Eftir hádegi skrapp ég svo aðeins í skólann og svo í ræktina... núna er líkaminn á mér eins og á 76 ára gömlum verkamanni sem var að koma af 14 tíma vakt. (Hefði líka getað sagt að ég væri fáránlega stirður... en fannst þetta skemmtilegra)

Núna er maður reyndar farinn að hlakka til helgarinnar... á föstudaginn er matarhittingur hjá kvennókrúinu... sem er algjör snilld þar sem það er orðið allt of langt síðan síðast.

Svo á laugardaginn er svo afmælispartý hjá Guðrúnu dansdrottningu og þá verður maður að vera tilbúinn að taka nokkur spor :D

þyngri en margir... en samt léttari en sumir

Sun, 11 Nov 2007 21:47:40 GMT

Eins og sumir vita þá er ég búinn að vera í smá átaki þessa dagana. Flestum er svosem örugglega sama en þar sem þetta er bloggið mitt þá ætla ég bara samt að tala um þetta :P

Ég ákvað að fara í átak þegar ég steig á vigtina og sá að ég var orðinn 105 kg

(held að sumarvinnan hafi hjálpað til... þótt ég gerði ekki mikið í gömlu sumarvinnunni þá reyndi ég allavega smá á mig líkamlega... það var ekki að gerast í Símanum). Ég held að þetta sé það þyngsta sem ég hef verið... mér finnst svosem alveg í lagi að vera þungur en ég var ekki með neina vöðva heldur þannig að þetta var ekki gott.

En ég fór semsagt aftur á vigtina um daginn og var akkurat 100kg en þá ákvað ég að fara úr bolnum og varð þá í fyrsta skiptið í langan tíma tæplega 100kg. Ég var semsagt 99,7kg og samt var ég í nærbuxum :P

Það er reyndar ekkert mikið meira að frétta af mér þessa dagana, fór í ljós áðan og það er líklega það merkilegasta sem ég gerði alla helgina... góð helgi ;)

Móðurbróðir!

Tue, 06 Nov 2007 14:05:50 GMT

Mikið búið að gerast síðan í síðasta bloggi.

Köbenferðinni lokið og maður er kominn í sama gamla farið. Skóli, ræktin, smá vinna og svo eitthvað félagslíf... allavega reyni félagslífið.

En það sem líklega það merkilegasta síðustu daga er að eldri systir mín eignaðist sitt fyrsta barn sem um leiðinni er fyrsta barnabarn foreldra minna. Sem þýðir að mamma og pabbi eru núna orðin amma og afi :D

Fæðingin gekk rosa vel og litli prinsinn (hann tekur víst nafnið af mér) er bara hraustur og sætur eins og sést hér að neðan. Núna snýst auðvitað allt um litla prinsinn... held samt að ég reyni að koma því í gegn að hann verði kallaður "litli keisarinn" þar sem hann var tekinn með keisaraskurði og þá fæ ég að halda nafninu.

En planið núna er að reyna að blogga með aðeins minna millibili en vanalega ;)

Ennþá í Köben

Sun, 21 Oct 2007 09:55:19 GMT

Sit hérna einn í herberginu hans Palla (vonlaust að fara að hitta einhvern gaur sem er að slá sér upp með stelpu) :P en sem betur fer er þessi stelpa snillingur þannig að mér finnst alveg í góðu að hanga hérna einn í smá stund.

Það er búið að vera frekar rólegt hjá okkur í ferðinni fyrir utan auðvitað þetta svakalega afmælispartý hjá Hönnu Lilju á föstudaginn. Síðasta blogg var svona nokkuð súrt blogg þannig að ég sagði ekki nógu mikið frá partýinu sjálfu.... en hér kemur það :)

Á fimmtudaginn (partýið byrjar í raun á fimmtudeginum) fórum við öll í Fields til að versla og ætluðum svo á Salsa kvöld á Rechtionbar en þar sem verslunarferðin var töluvert lengri en upphaflega var lagt upp með og fólk töluvert þreyttara en gert var ráð fyrir þá ákváðum viðð frekar að panta okkur pizzu og slappa af hjá Hönnu Lilju. Afslöppunin breyttist svo í tiltekt og skreytingarsession í salnum sem partýið var haldið í þar sem salurinn var frekar viðbjóðslegur.

Partýið var svo á föstudeginum og þetta var alveg magnað partý, fullt af fólki sem ég þekkti og fullt af fólki sem ég þekkti ekki... og svo var ég bara fullt fólk. Það var dansað og sungið langt fram á nótt en ég og Palli fórum reyndar heim um hálf 4 (þar sem ég var alveg búinn á því). Í partýinu hafði verið drukkið heldur mikið og heimleiðin var mjög skrrautleg. Ég talaði t.d. við stelpu á hjóli sem sagðist ekki tala við ókunnuga og hjólaði í burtu en ég kallaði á eftir henni... "I'm not a stranger... I'm from Iceland" en þetta var víst ekki nógu góð rök þannig að hún hélt áfram að hjóla.

En jæja, blogghæfileikar mínir eru gjörsamlega að sýna sig aftur og ég ætla að hætta þessu rugli og skella mér út í sólina :)